صبحكم الله بالخير وقبح الله حكومة (أملصوص)

بالامس جلست مع احد الناس المعاريف من بداوة الريف وهو موظف تربوي في قطاع التربية والتعليم ..وتذاكرنا على أوضاع البلاد والجنوب بالذات وحالة الناس المعيشية المتدهوره .وقلت له كيف تشوف ياخوك حال الدنيا عندنا في عدن ..؟!

همر وتأمل في وجهي ثواني وابتسم بلون الضحكة وقال بالبدوي وبلغة اهل الريف :

شوف يادكتور شئ تعل او ماتعل حكومة امسكن حكومتنا ان  لاعلاوات ولا تسويات جاتنا  وقد امكشف له شهور من قبل رمضان .. ولاراتب ابريل جانا وقدجزعنا ثلث في شهر مايو.. ولا وحينا بكباش.امعيد .بالاقساط   ولا ...ولا ..لقطين ابوها حكومة ميت لقطين ابوها حكومة .

 وتركت له المجال ليعبر عن مافي قلبه واستمر وقال : ..وبعدين بايجيبون لنا معاشات ابريل متاخرة عمدا وبايضيعونا من مايو ذي هوه قده مخصص لمعيد....ها كيف لقول هاه وين لروح .. لانقابات نفعت ولا اضرابات جابت نتيجة ولا قبله ولابطنه ...

قلت له طيب وكيف تشوف؟! قال : والله ان هذه البلاد ..يحكمها افسد خلق الله ..جنوبيين على شماليين كل بوهم شراكة في هبر المال العام ..ولا مكان استمروا يقبضون رواتب بالدولار.. والقطاع الوظيفي المدني الجنوبي يقرون موظفيه من شهرين يناظرون امعاش بميمني ..هاه وين يقع مثل هذا امقران الا في بلادنا ...!!

وختم بقوله وتوعد قائلا: والله ان مايلغى قرار رواتب المسئولين بالدولار فأعلموا ان البلاد للهاوية وان الدائرة باتدور على رؤوس بوهم كلاتيهم وبايطفح امكيل .وماعلى الله ببعيد ....وماعلى شعب الجنوب بصعيب!!

واستوى في جلسته وتنهد وقال: يكفي ماقلته.. والله باينصرنا على كل ظالم .

د.صلاح سالم أحمد